لايق عليكي وانتى لايقة عليه
مش ده اللي قلتى عنه بتحبيه
طب ياللا عيشي وحبي واتهني
واتمنى يبقي اللي تستاهليه
انا جد خالص عمرى ما بهرج
انا ليا فترة كنت بتدرج
هيأت نفسي للحظة حسيتها
دلوقتى هبقي لوحدى واتفرج
يا كل ايام الغرام والحب
شاهدين عليها ولا مش شاهدين
سلمتها اطيب واجمل قلب
وخدته منها وهو بقي نصين
انا مش بلومها ولا شكيت حالى
انا ممكن اصبر فوق كده عمرين
انا بس بسال ليه ده يجرالى
ده انا حبي لو كان للحجر هيلين
لايق عليكى و شكله من شكلك
يارب بس تهون عليه مشاكلك
يتحملك يصبر علي دموعك
أصل الدموع معجون بيها قلبك
وانا رغم جرحك نفسي تبقي سعيدة
وهبقي جنبك مهما كنتي بعيدة
والماضي لو بوجوده هيضايقك
انسيه في دنيا بتبدأيها جديدة
انا جد خالص عمرى ما بهرج
انا ليا فترة كنت بتدرج
هيأت نفسي للحظة حسيتها
دلوقتى هبقي لوحدى واتفرج
لايق عليكى
الشاعر محمد شحاتة
الجرايدة... كفرالشيخ
