الكورونا
---------
الكورونا ؟
مش للغلابة
الكورونا ؟
للي عاشقين الخيابة
والخيانة والتعالب والديابة
وإللي ناسيين الصحابة
وإللي عايشين فوق سحابة
وإللي ماسكين الربابة
وإللي فاكرين الكون دا غابة
وإللي ع الخلق بيكشر ف نابه
أو عليهم يبرم شنابه
وإللي عمره ما قال آمين
وإللي عاشق للخيانة
وإللي ملهوش أي دين
وال ملوث بس إيده
من دماء المسلمين
وإللي رافع الدعوة راية
وإللي معندوش أي دين
وإللي كانز للدولار والريال
واللي ناسي الزكاة ويا الصيام
وإن فيه خلق محتاجة الحنين
الكورونا شبه آية
شبه إنذار من مبين
إن فيه خالق فوقيكم
بيتابعكم
ويعافيكم أو يبيعكم
يعني مش نافع سلاحكم
حتى نووي صواريخ بتحكم
هو أرسل بس فيرس
بس مش ينشاف بعين
إفتكر ربك .. بيحرس
بس جاي بيراجعكم
أو يرجعكم لدينكم
إللي حاميكم سنين
الكورونا
مش للغلابة المظلومين
إللي عايشين يومهم بعافية
لجل لقمة ب كاد وصافية
إللي عايشين جوه البرد لكن
لسه حاسين دنيا دافية
إللي ساكنين تحت خفية
أو رجولهم ماشية حافية
الكورونا
للي ساكنين القصور والمفسدين
للملالي وإل متاجرين كل دين
وإللي باعوا دين بالدولار
وإللي جالهم فيه سعار
وإللي ستر الرب ليهم
بعد ماكان الجوع ماليهم
وبحتروا منه الريال
وإللي عقل الكبر فيهم
زي طفل من العيال
لما زاد الخير عليهم
بحتروه فوق الرمال
الكورونا شييء محال
عند ربك مش محال
لو راجعتوا النفس مرة
تلقوا الإجابة للسؤال
الكورونا دية رسالة
فوق غروركم
لجل تنخر ف الجبال
للي غاوي زيارة دايما
كل حبة وكل شهر للشريفة
لجل شارة ومش عفيفة
وهو ناسي ناس وعايزة
بس مش قادرة السؤال
إرحموهم تلقوا رحمة
تلقوا نور ف قصوركم رحمة
متخافوش من أي زحمة
أو إشاعة وبس رخمة
وأللا تدمير بس إقتصاد
ليه تعوزوا الدنيا عتمة
وانتوا غاويين العناد
انتوا خايفين الوباء
مش وباء
رب كاشف للبلاء
دي رسالة رب خالق
رب كاتب مصر
كاااااام مرة ف الكتاب
مهما كان الفكر عالي
العلم عالي
وأللا حرب بيولوجية
رب فوق العلم عالم
هو حامي للولاد
هو حامي للبلاد
الكورونا
فيرس ف وقته بالميعاد
راجعوا آيات إللي خالق
قوم ثمود
وأللا قوم نوح وهود
خودوا حكمة من قارون
وأللا حكمة قوم عاد ....
يللي عايشين مرعوبين
إرحموا بس الغلابة
إرحمونا
داحنا عنكم آمنين .... !!!!
الكورونا وباء في العقول
بس ف عقول العجول
أما مصر الحضارة والتاريخ
دي ولاد الأصول ....
