معا نحو الأنتماء. الأخلاق . التعاون
معا من اجل مصرنا . من اجل انفسنا
الانتماء للاب . للام . للاخ . للاخت .للجار . للصديق .للاسره .للشارع . للوطن
معا للامان و الامن والطمأنينه
معا لاحترام الكلمه و الوقت . احترام انفسنا . هو احنا محتاجين الكلام دا فعلا و الا هو مجرد شعارات لا احنا فعلا محتاجينه محتاجين عوده انسانيتنا و آداميتنا كى نعود لزمن الاخلاق و الجمال اسميناه بالزمن الجميل .... تلاقى ناس تعارض و هى مش فاهمه و ناس تقول لا و هما معندهومش وعى حتى بنعم و ناس تشتكى غلاء الاسعار و العيشه الضنك و هما اللى بجنيه يبيعوه بخمسه و هما برضو اللى ناقمين على اقرب ناسهم و ناس تشتكى قلة الاخلاق و التربية و هما نفسهم بيشتموا و يسبوا فغيرهم و ناس تشتكى سوء الشوارع و عدم نظافتها و هما بردوا اللى بيرموا اى حاجة فنفس الشارع ........ الخ
انتبهوا ايها الناس فإذا صلحت النفوس تجملت الشوارع و البيوت و تهذبت المجتمعات و الناس و ساد الاحترام و التعاون و عدنا للزمن الجميل .
فين اخلاقنا اللى اتربينا عليها . فين لما كان الشاب بيحترم بنت منطقته و اخت صاحبه و يحافظ عليها كأنها اخته فين . فين لما كان يبقا فى عزاء فاخر الشارع و احنا عندنا فرح و نلغى فرحنا و نروح كلنا نواسى جيرانا و نقف معاهم فمحنتهم فين
فين لما كان الراجل يضغط على نفسه و يشوف شغل تانى و تالت عشان يصون اهل بيته و يوفى التزاماته فى ستر فين . فين لما الصاحب يحترم كلمته مع صاحبه و يحترم وقته فين لما كانوا الجيران بمثابة الاهل و العمارة كلها تأكل نفس الاكله فين . فين لما كان الاب يمر بضائقه ماليه و البيت كله يسانده الام تتدبر امور البيت و الاولاد يقللوا طلباتهم و مصاريفهم عشان ما يحملوش على ابوهم فازمته فين و فين و فين .....
لتحيا مكارم الاخلاق
تحيا جمهورية مصر العربية
كتب/ اسماء شوكه